Suriyada qarşıdurmaların davam etdiyi bir vaxtda ABŞ Dövlət Departamenti vəziyyətlə bağlı açıqlama verib.

“Cebheinfo.az” xəbər verir ki, Dövlət Departamentinin sözçüsü Metyu Miller gündəlik mətbuat konfransında Türkiyə də daxil olmaqla bir çox ölkəni

“Suriyadakı gərginliyi azaltmağa” çağırıb:

"Biz heç bir ölkənin Suriyadakı vəziyyətdən istifadə etməyə çalışdığını görmək istəmirik”.

Miller açıqlamasında Suriyadakı hadisələrə görə siyasətlərində heç bir dəyişiklik olmadığını ifadə edib:

"Görmək istədiyimiz gərginliyin azaldılması, mülki vətəndaşların və azlıq qrupların qorunmasıdır, amma bizim ümumi siyasətimiz eynidir. Biz bu vətəndaş müharibəsini hamı üçün birdəfəlik sona çatdıracaq ciddi və etibarlı siyasi proses görmək istəyirik”.  

Miller BMT Təhlükəsizlik Şurasının 2015-ci ildə qəbul etdiyi və Suriyada vətəndaş müharibəsini sona çatdırmaq məqsədi ilə siyasi prosesi təşviq edən 2254 saylı qətnaməyə işarə edib. O, Suriya dövlətinə təsiri olan hər bir ölkənin, Əsəd administrasiyasının öz xalqı ilə dialoq quraraq siyasi prosesə başlaması və vətəndaş müharibəsinə davam etməsinə mane olacaq BMT qərarlarının tam şəkildə həyata keçirilməsi üçün səy göstərəcəyinə ümid etdiklərini söyləyib. 
Miller Suriya Prezidenti Bəşər Əsəd haqqında "Əsəd Suriyada günahsız dinc insanların, öz xalqının qanı olan qəddar bir diktatordur. Nəticə etibarı ilə bizim görmək istədiyimiz, gələcəyə hesablanmış bir siyasi prosesdir. Lakin Suriya xalqının liderlərinin kim olduğunu müəyyən edə biləcəyi bir prosesdir", - deyib.

Əfsanə Rəcəb
“Cebheinfo.az”