İran Hərbi Dəniz Qüvvələri izlənilməsi mümkün olmayan yüksək partlayıcı qanadlı raketlər alıb.

Raketlər yüksək partlayıcı döyüş başlığı da daxil olmaqla yeni imkanlara malikdir.

“Cebheinfo.az” xəbər verir ki, bu barədə “Tasnim” agentliyi SEPAH Hərbi Dəniz Qüvvələrinin ictimaiyyətlə əlaqələr şöbəsinə istinadən məlumat yayıb.

 İslam İnqilabı Keşikçiləri Korpusunun  (SEPAH) Hərbi Dəniz Qüvvələrinin (Dəniz Qüvvələri) arsenalı gəmi əleyhinə qanadlı raketlərlə tamamlanıb. 

“SEPAH-in Ali Baş Komandanının əmri ilə çoxlu sayda yeni gəmi əleyhinə qanadlı raketlər SEPAH Hərbi Dəniz Qüvvələrinə təhvil verilib”, - deyə məlumatda qeyd edilir.

Raketlərin yüksək partlayıcı gücə malik döyüş başlığı da daxil olmaqla yeni imkanlara malik olduğu, üstəlik, onları izləmək mümkün olmadığı vurğulanır.

Xəzər
“Cebheinfo.az”