İranın keçmiş xarici işlər naziri Məhəmməd Zərifin xatirələri Ermənistanda böyük əks-səda yaradıb.

Belə ki, Ermənistanın Tehranın müharibəni daha əlverişli mərhələdə dayandırmaq təklifini şərəflə rədd etdiyinə dair sabiq nazirin yazdıqları ölkədə böyük narazılıq doğurub.

"Cebhe.info" xəbər verir ki, bu barədə “Alternativ layihələr” qrupunun üzvü Vahe Hovhannisyan “Facebook” səhifəsində yazıb.

Ekspert qeyd edib:

“Bundan əvvəl biz bilirdik ki, Ermənistan Rusiya tərəfinin müharibəni 44 gün ərzində dayandırmaq təklifini iki dəfə rədd edib. Belə çıxır ki, müharibə zamanı Ermənistan hakimiyyəti bir neçə dəfə minlərlə itki, yaralı və ərazi itkisi kimi təsvirolunmaz yükü öz üzərinə götürərək müharibəni dayandırmaq imkanından imtina edib.

Bu tezis Ermənistanda istənilən siyasi qüvvənin və fərdin seçimində əsas məqama çevrilir. Belə informasiyalarla siyasi və adi həyatı sakitcə davam etdirmək mümkün deyil. Bu, məhdudiyyət müddəti olmayan bir sualdır və milli gündəmin əsas suallarından biri olmalıdır: niyə müharibəyə son qoymaq təklifləri rədd edildi?

Bu sual yeni suallar doğurur: bəlkə başqa qüvvə müharibənin daha tez bitməsinə imkan vermədi, yoxsa başqa motivlər var idi? Axı bu məsələ bir nəfərin məsuliyyəti ilə məhdudlaşa bilməz. Suallara cavab verməli olan insanlar dairəsi var. Biz heç nə olmamış kimi davrana bilmərik, uydurduğumuz yalanlarda gizlənməyə davam edirik Müharibənin tez sona çatmasının (yönləndirilməsinin) sirri qırmızı xəttdir.

Bu, arxiyepiskop Baqrat Qalstanyan üçün yeni gündəmdir. O, mütləq bunu əsas mövzuya çevirməlidir. Bu, prosesin özünün siyasiləşdirilməsinin əsl mesajı olacaq”.

Ekspert nazirin xatirələrinə dayanaraq bildirib ki, həqiqət üzə çıxmalıdır:

“Həqiqət yaxın tariximizin fəlakətli səhifəsi haqqındadır. Sonda daha bir çox konkret və vacib sual ortaya çıxır: müharibəni dayandırmayan hökumət sülh gətirə bilərmi? Ölkəmizin, cəmiyyətimizin, hər birimizin ayrı-ayrılıqda indiki həyatında dəhşətli bir tarix var və onun olmadığını iddia edib, yalandan “normallıq” uydurmaqla yaşamağa davam etmək heç bir nəticə verməyəcək”.

Xəzər
“Cebhe.info”