BMT-nin Beynəlxalq Miqrasiya Təşkilatının Baş Direktoru Emi Pope, "İqlim miqrasiyası təkcə gələcək üçün narahatlıq deyil, bu, qlobal miqyasda milyonlarla insan üçün hazırkı reallıqdır. 

Təkcə ötən il təbii fəlakətlər 26 milyondan çox insanın ölkə daxilində köçməsinə səbəb olub" deyib.

"Cebheinfo.az" xəbər verir ki, iqlim dəyişikliyinin səbəb olduğu fəlakətlər 2023-cü ildə 26 milyondan çox insanı didərgin salıb.

Azərbaycanın paytaxtı Bakıda təşkil olunan BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu Tərəflər Konfransı (COP29) ilə bağlı yazılı açıqlama verən BMT Beynəlxalq Miqrasiya Təşkilatının baş direktoru Emi Pope bildirib: 

"İqlim miqrasiyası təkcə gələcəyin narahatlığı deyil, həm də qlobal miqyasda milyonlarla insanı narahat edir. Təkcə keçən il fəlakətlər 26 milyondan çox insanın ölkə daxilində köçməsinə səbəb olub”.

Dünya liderlərinin COP29 çərçivəsində bir araya gəldiyini qeyd edən Pope, iqlim dəyişikliyinin təsirindən ən çox təsirlənən icmalar üçün daha konkret və davamlı həllər tapmağa çağırıb.

Pope iqlim dəyişikliyinin təsirlərindən qaçaraq dolanışıqlarını qorumaq üçün evlərində qalmaq istəyən insanların iqlim dəyişikliyinə qarşı uyğunlaşma və dayanıqlılıq tədbirlərinə ehtiyacı olduğunu deyib.

“İnsanlara və cəmiyyətlərə iqlim dəyişikliyinin təsirlərinə qarşı daha davamlı olmağa kömək etmək üçün daha yaxşı yollar tapmalıyıq" deyən Pope xüsusilə həssas insanların iqlim dəyişikliyinə uyğunlaşmaları və bu mövzuda uğurlu olması üçün dəstəklənməli olduğunu vurğulayıb.

İqlim dəyişikliyinin insanların dünya ətrafında hərəkət etmə tərzinə təsir etdiyini və yaşayış vasitələrini dəyişdirdiyini deyən Pope, iqlim dəyişikliyinin həddindən artıq təsiri ilə öhdəsindən gələ bilməyən icmaların daha təhlükəsiz ərazilərə köçmək məcburiyyətində qaldığını qeyd edib.

İqlim dəyişikliyi ilə əlaqədar miqrasiyanın bu mövzuda həll yollarına inteqrasiya edilməsi lazım olduğunu və planlarda immiqrantlarla məsləhətləşmələrin də yer alması lazım olduğunu vurğulayan Pope, “Onların yenilikçi fikirləri, müxtəlif perspektivləri ədalətli və hər kəs üçün əhatəli olan davamlı iqtisadiyyatın qurulmasına töhfə verir" deyib.

Nigar
"Cebheinfo.az"