Fransanın paytaxtı Parisdə baş verən atışma nəticəsində iki polis yaralanıb.

"Cebhe.info" xəbər verir ki, bu barədə “BFM TV” telekanalı məlumat yayıb.

Bildirilir ki, Parisdə qadına kəsici-deşici alətlə hücum etdiyi üçün saxlanılan şəxs polis bölməsindən hüquq-mühafizə orqanlarının əməkdaşının tapançasını götürüb və onlardan ikisini yaralayıb.

Polislərdən biri ayağından, digəri qarın nahiyəsindən ağır yaralanıb.

Polisin açdığı atəş nəticəsində yaralanan təcavüzkar və vurulan 2 polis xəstəxanaya aparılıb.

Qeyd edilir ki, yaralanan polislərdən birinin vəziyyəti ağırdır.

Hadisənin digər təfərrüatları açıqlanmır.

Nigar Hacılı 
"Cebhe.info"