“Taliban” lideri Hibatullah Axundzadə Əfqanıstan rəsmilərinə hökumət vəzifələrinə işə götürdükləri qohumlarını işdən çıxarmağı əmr edib.

Cebhe.info bu barədə BBC-yə istinadən xəbər verir.

Axundzadənin fərmanında qeyd olunur ki, məmurlar vəzifəyə təyin olunmuş oğulları və ya digər ailə üzvlərini işdən çıxarmalı və gələcəkdə qohumlarını işə götürməkdən çəkinməlidirlər.

“Taliban” bəzi yüksək vəzifəli məmurları 2021-ci ildə hakimiyyətə gəldikdən sonra işdən çıxarıb, digərləri isə qaçıb.

Pakistanda yerləşən Əfqan İslam Mətbuatı bildirib ki, bu fərman bir neçə yüksək vəzifəli “Taliban” məmurunun öz oğullarını hökumətdəki vəzifələrə təyin etməsi ilə bağlı şayiələrdən sonra verilib.

Fərmanın fotoşəkili İnzibati İşlər İdarəsinin “Twitter” səhifəsində yerləşdirilib.

Əfqanıstanda “Taliban” nəzarəti ələ keçirdikdən sonra dərinləşən iqtisadi və humanitar böhranla üz-üzədir.

“Taliban” hökumətinin üzvlərinə sanksiya tətbiq edilib, Mərkəzi Bankın xarici aktivləri dondurulub və əksər xarici maliyyələşdirmə dayandırılıb, iqtisadi həyat xətti dayanıb.

Əfqanıstanın təbii qaz, mis və nadir torpaqlar da daxil olmaqla 1 trilyon dollardan çox təbii ehtiyata malik olduğu təxmin edilir, lakin bu ehtiyatlar ölkədə onilliklər davam edən müharibələr səbəbindən istifadə olunmamış qalır.

“Taliban” hökumətinin qadınlara münasibəti beynəlxalq ictimaiyyətin kəskin etirazı ilə qarşılanır.

Hazırda Əfqanıstanın böyük hissəsində qızların orta məktəblərdə və universitetlərdə oxuması qadağandır.

Xəzər
Cebhe.info