ABŞ hərbi helikopteri Yaponiyada çəltik tarlasına məcburi eniş edib.

"Cebheinfo.az" xəbər verir ki, yerli rəsmilər tərəfindən edilən açıqlamada ABŞ hərbi helikopterinin Yaponiyanın Kanaqava prefekturasının Ebina şəhərində çəltik  tarlasına təcili eniş etdiyi bildirilib.

Açıqlamaya görə, Kanaqava prefekturasının Atsuqi şəhərindən havaya qalxan helikopter Yamaquçi prefekturasının İvakuni şəhərinə gedərkən mühərrikində nasazlıq yaranıb.

Buna görə pilot yerli vaxtla saat 10:55-də məcburi eniş edib. Rayon sakinlərinin xəbərdarlığından sonra hadisə yerinə polis, yanğınsöndürmə briqadası və tibb qrupları sövq edilib. 

Helikopterdə olan 12 nəfərdən heç kimin xəsarət almadığı müəyyən edilib.

Helikopterin saat 12:40-da yenidən havaya qalxaraq Atsu1i şəhərindəki hərbi bazaya geri döndüyü açıqlanıb və hadisə ilə bağlı ətraflı araşdırma başladılıb.

Ləman İsmayıl
"Cebheinfo.az"