İtaliyanın "Roma" klubu yeni baş məşqçi axtarışlarını davam etdirir.

"Cebheinfo.az" xəbər verir ki, onların hədəfində "Qalatasaray"da uğurlu işlərə imza atan Okan Buruk var.

İtaliya mediasında yayılan xəbərlərə əsasən, "Roma" 51 yaşlı baş məşqçiyə təklif verib. Lakin Okan Burukun İstanbul təmsilçisindən ayrılmaq istəmədiyini deyərək təklifi rədd etdiyi iddia olunur.

Qeyd edək ki, Okan Buruk "Qalatasaray"ın başında 113 matça çıxıb. Mütəxəssis bu matçlarda 86 qələbə, 12 bərabərlik və 15 məğlubiyyət yaşayıb. O, "Cim-Bom"da 2 dəfə Türkiyə Super Liqasında, 1 dəfə də Türkiyə Super Kubokunda çempion olub.

Elmir
"Cebheinfo.az"