Türkiyənin “Qalatasaray” klubu növbəti dəfə tarixə keçib.

“Cebheinfo.az” xəbər verir ki, “Cim-Bom” ötən gün Super Liqanın 24-cü həftəsində qonaq olduğu “Çaykur Rizespor”u 2-1 hesabı ilə məğlub edib.

Bununla da, sarı-qırmızılılar Türkiyə Super Liqasında bir ilkə imza atıblar. 

Belə ki, “Qalatasaray” bu mövsüm meydana çıxdığı ilk 23 maçtın 20-sində qələbə qazanıb. 

“Cim-Bom” Super Liqa tarixində bu unikal göstəriciyə sahib olan ilk komanda kimi tarixə keçib.

Qeyd edək ki, onlar, sözügedən qarşılaşmaların 3-də isə bərabərə qalıblar. 

Başqa sözlə desək, “Qalatsaray” 24 oyundur məğlub olmur. Həmçinin, Okan Burukun rəhbərlik etdiyi komanda ardıcıl 32 matçda qol vuraraq da inanılmaz göstəriciyə nail olub.

Elmir Mustafa
“Cebheinfo.az”