ABŞ-nin məşğulluq hesabatındakı məlumatlar tənəzzüllə bağlı narahatlıqları artırdığı üçün Nyu-York fond bazarında mənfi tendensiya izlənilir.

"Cebheinfo.az" xəbər verir ki, çərşənbə günü ABŞ Federal Ehtiyat Sistemi (FES) baza dərəcəsini dəyişməyərək sabit saxlayaraq sentyabr toplantısı üçün faiz endirimi siqnalı versə də, həftə ərzində açıqlanan məlumatlar tənəzzüllə bağlı narahatlıqları artırıb.

ABŞ-də kənd təsərrüfatı xaricində məşğulluq gözləntilərin altında 114 min artarkən, iyun ayında 206 min olan kənd təsərrüfatı xaricindəki məşğulluq məlumatları isə 179 min kimi qeydə alınıb.

Ölkədə saatlıq qazanc proqnozların 0,2 faiz artsa da, işsizlik nisbəti 2021-ci ilin oktyabr ayından bəri ən yüksək səviyyəyə - 4,3 faizə çatıb.

Xüsusilə məşğulluq hesabatındakı məlumatlardan sonra bazarlarda satış təzyiqinin dərinləşdiyi görülsə də, Nyu-York Birjasında indekslər 2 faizdən çox dəyər itirib.

Bu azalmaya təqribən 27 faiz itki ilə "Intel", 10 faizlə "Amazon", 7 faizlə "American Express", 5,5 faizlə "Goldman Sachs", 5 faizlə "Boeing" və 4,5 faiz ilə "JP Morgan" başçılıq edib.

ABŞ-də ticarət olunan ən böyük şirkətlər arasında "Microsoft" təxminən 2,8 faiz, "Nvidia" 3,3 faiz, "Google" 3,2 faiz və "Meta" Platformalar 1,8 faiz ucuzlaşıb.

Dünən gözləntilərin üstündə mənfəət açıqlayan "Apple" səhmləri 3 faiz dəyər qazanaraq satış təzyiqinin daha da dərinləşməsinin qarşısını alıb.

Analitiklər əmək bazarlarında sürətli azalmanı tənəzzül narahatlıqlarını dəstəklədiyini qeyd edərək, bu vəziyyətin nisbətən riskli aktivlərdə qeydə alınan enişdə təsirli olduğunu bildiriblər.

Digər tərəfdən, tənəzzül narahatlıqları səbəbiylə "təhlükəsiz sığınacaq" aktivlərinə tələb 3 dəfə artarkən, ABŞ-nin 10 illik istiqraz faizi eniş trendinin yeddinci iş günündə təxminən 15 əsas bənd azalaraq 3,83 faiz səviyyəsində sabitləşib.

İstiqrazın gəlirliyi bir anda 3,79 faizə enərək, 27 dekabr 2023-cü ildən bəri ən aşağı səviyyəni sınaqdan keçirib.

Bu vəziyyətin ardından pul bazarlarında FED-in sentyabr ayında faizləri 50 baz bənd endirəcəyi ilə bağlı qiymətlər güclənərkən, il sonuna qədər cəmi 100 baz bəndlik faiz endirimi olacağına dair proqnozlar gündəmə gəlib.

Nigar
"Cebheinfo.az"