Həyatdan məmnunluq yetkinlik dövründə infarkt və insult riskini azaldır. Bunu Çin Elm və Texnologiya Universitetinin alimləri müəyyən ediblər. 

“Cebheinfo.az” xəbər verir ki, tədqiqatın nəticələri “Journal of American Heart Association” (JAHA) jurnalında dərc olunub.

Araşdırmaya qeydiyyat zamanı ürək xəstəliyi olmayan 121.317 yetkin könüllü daxil edilib. 

Onların orta yaşı 57 idi və 45%-i kişilər idi. Subyektlərdən ailə, dostluq, sağlamlıq, maliyyə və işdən məmnunluqlarını qiymətləndirmələri, həmçinin xoşbəxtlik səviyyələrini xüsusi miqyasda xarakterizə etmələri istəndi. Təsviri terminlər “son dərəcə xoşbəxt” insandan “son dərəcə bədbəxt” insana qədər dəyişirdi.

Məlumat toplandıqdan sonra könüllülərin müşahidə dövrü başlayıb. 

12 il ərzində alimlər bütün ürək-damar hadisələrini iştirakçıların tibbi qeydlərində qeyd ediblər. Məlum olub ki, ümumi ürək-damar xəstəliklərinə tutulma riski həyatdan məmnunluq səviyyəsi yüksək olan insanlarda 10-21% aşağı olub.

Xüsusilə, ən xoşbəxt subyektlərin koronar ürək xəstəliyi riski 44%, insult riski 45%, ürək çatışmazlığı riski 51% və infarkt riski 56% daha az olub.

Əlavə təhlillər göstərib ki, rifah səviyyəsi yüksək olan insanlar daha sağlam həyat tərzi keçirməyə meyillidirlər və bədəndə iltihabın daha aşağı göstəricilərinə malikdirlər. Bu amillər ürək və damar xəstəliklərindən bir növ qorunma rolunu oynayır.

Xəzər
“Cebheinfo.az”