Aktiv qəhvə istehlakı polikistik yumurtalıq sindromunun inkişaf riskini 69% azaldır. 

Bunu Mursiya Universiteti, Mursiya Biotibbi Tədqiqatlar İnstitutu, Alikante Sanitariya və Biotibbi Tədqiqatlar İnstitutunun alimləri müəyyən ediblər. 

“Cebheinfo.az”xəbər verir ki, araşdırmanın nəticələri “Nutrition” jurnalında dərc olunub.

Tədqiqatda polikistik yumurtalıq sindromu olan 126 qadın və 159 sağlam könüllü nəzarət qrupuna (ginekoloji xəstəlikləri olmayan) birləşdirilmişdir. İştirakçıların orta yaşı 29 il, orta hesabla kofein qəbulu isə 52,46 mq/gün olub.

Polikistik yumurtalıq sindromu (PCOS) yumurtalıq disfunksiyası ilə müşayiət olunan bir patoloji. Yumurtlamanın olmaması və ya nadir hallarda baş verməsi, həmçinin yumurtalıqda kistlərin əmələ gəlməsi ilə xarakterizə olunur. PCOS endokrin qadın sonsuzluğunun ən çox yayılmış səbəbidir.

Alimlər müəyyən ediblər ki, aktiv şəkildə qəhvə (gündə iki və ya daha çox fincan) istehlak edən iştirakçılarda müxtəlif səbəblərdən qəhvə içməyi dayandıran qadınlara nisbətən yumurtalıqların polikistik sindromunun inkişaf riski 69% azdır. Bundan əlavə, gündə ən azı bir fincan qəhvə içən qadınlarda polikistik yumurtalıq sindromunun anovulyator fenotipini inkişaf etdirmək ehtimalı 72% az idi. Bu tip PCOS-da qadınlar qeyri-müntəzəm menstrual dövrlər (anovulasiya) yaşayırlar.

Tədqiqat müəllifləri belə qənaətə gəliblər ki, ən azı bir fincan qəhvə içmək polikistik yumurtalıq sindromunun inkişaf ehtimalını azalda bilər. 

Bu fayda, çox güman ki, kofeinin antiinflamatuar təsiri və insulinə həssaslığını artırmaq və cinsi hormonları tənzimləmək qabiliyyəti ilə bağlıdır.

Xəzər
“Cebheinfo.az”