"Vitamin K əlavələri dolayı yolla qan laxtalanma riskini, beta-karoten isə siqaret çəkənlərdə ağciyər xərçəngi riskini artıra bilər. Bəzi digər birləşmələr və bitki komponentləri (vitamin C, E və St John's wort) xərçəng, depressiya və ürək xəstəliklərinin müalicəsinin effektivliyini azaldır".

"Cebhe.info" xəbər verir ki, bunu Ottava Universitetinin (Kanada) ailə həkimi dosenti Erik Vultorton Health News-a bildirib.

Onun sözlərinə görə, pəhriz əlavələri və vitamin-mineral kompleksləri, reseptlə verilən dərmanlarla müqayisə edilə bilən bədənə təsir göstərən maddələrdən ibarət ola bilər. Ancaq bir çox insanlar həkimə müraciət etmədən əlavələrdən istifadə edirlər.

Mütəxəssis deyib ki, bəzi hallarda bu cür "öz-özünə resept"in sağlamlıq riskləri potensial faydalardan üstün ola bilər. Bütün vitaminlər, minerallar və bitki mənşəli ekstraktları istehlak edərkən mötədilliyə riayət edilməlidir. Depressiya və ürək xəstəliklərindən dərman müalicəsi alanlar, həmçinin xərçəngə görə kimyaterapiya alanlar xüsusilə diqqətli olmalıdırlar:

"Fakt budur ki, bəzi əlavələr müalicənin effektivliyini azalda bilər. K vitamini qan durulaşdırıcıların qan laxtalanmasının qarşısını almaq qabiliyyətini zəiflədə bilər. C və E vitaminləri kemoterapinin effektivliyini azalda bilər və St John's wort antidepresanların və ürək-damar xəstəliklərinin müalicəsi üçün bəzi dərmanların təsirinə mənfi təsir göstərə bilər".

Digər potensial təhlükəli qida əlavəsi beta-karotindir. Əvvəlki tədqiqatlar göstərib ki, beta-karotin bir antioksidan olaraq xərçəngə tutulma ehtimalını azaldır. Lakin son onilliklərdə alimlər belə qənaətə gəliblər ki, beta-karotin istehlakı, əksinə, siqaret çəkənlərdə ağciyər xərçəngi və prostat xərçəngi ehtimalını artırır.

Xəzər

"Cebhe.info"