Xərçəng peyvəndi işə yaradı

Xərçəng peyvəndi işə yaradı

Beynəlxalq həkimlər qrupu, uşaqlıq boynu displaziyasını məhv etmək və xərçəngə çevrilməsinin qarşısını almaq üçün HPV Vvax001 peyvəndini uğurla istifadə etdikləri klinik sınaqların ikinci mərhələsini başa vurdular. 

“Cebheinfio.az” xəbər verir ki, bu barədə Amerika Xərçəng Araşdırmaları Assosiasiyasının (AACR) mətbuat xidməti məlumat yayıb.

“Bu orqanda uşaqlıq boynu displaziyası və bədxassəli yenitörəmələrin demək olar ki, bütün halları insan papillomavirusuna yoluxma ilə əlaqədardır. "Klinik sınaqlarımızın əsas məqsədi Vvax001 peyvəndimizin cərrahiyyə əməliyyatına daha təhlükəsiz və pasiyentlər üçün daha əlverişli alternativ kimi istifadə oluna biləcəyini öyrənmək idi",- deyə Xroninqen Universitetinin (Hollandiya) Tibb Mərkəzinin tədqiqatçısı Refika İgit deyib.
 
Tədqiqatçılar 3-cü mərhələdə servikal displaziya diaqnozu qoyulmuş 18 qadının nəticələrini analiz ediblər. Tipik olaraq, belə xəstələrin təxminən üçdə birində displazi aşkar edildikdən 10 il sonra bir şiş inkişaf edir və 30 ildən sonra bu diaqnozu olan qadınların yarısında xərçəng meydana gəlir.

Elm adamları yaratdıqları Vvax001 peyvəndi ilə belə bir ssenarinin qarşısını almaq və displaziyanın şişə çevrilməmişdən əvvəl məhv edilməsinin mümkün olub-olmaması ilə maraqlanıblar. Bu, insanlarda yüngül qızdırmaya səbəb. Afrika zoonoz patogeni olan Semliki Forest virusunun dəyişdirilmiş versiyasıdır. 

Alimlər onun genomunun strukturunu elə dəyişiblər ki, onun insan orqanizminə nüfuz etməsi papilloma ilə yoluxmuş hüceyrələrin istehsal etdiyi E6 və E7 onkogen zülallarına qarşı immun reaksiyanın inkişafına gətirib çıxarır.

Klinik sınaqların göstərdiyi kimi, bu peyvəndin könüllülərə üç dəfə tətbiqi 18 xəstədən 17-də displaziyanın həcminin nəzərəçarpacaq dərəcədə azalmasına və onların yarısının vəziyyətinin əhəmiyyətli dərəcədə yaxşılaşmasına səbəb olub.

Beləliklə, eksperimentin üç iştirakçısında displaziya tamamilə yox oldu, digər altı xəstədə isə bədxassəli şişin inkişaf riski əhəmiyyətli dərəcədə azaldı. 

Sonrakı 20 ay ərzində elm adamları displaziyanın təkrarlanma halını qeyd etməyiblər.

“Bu sınaq nəticələri Vvax001-i displaziya ilə mübarizə üçün mövcud olan ən təsirli terapevtik vasitələrdən birinə çevirir. Əgər bu uğurlar daha böyük sınaqlarda təsdiq olunarsa, bu, displazi olan xəstələrin təxminən yarısına cərrahi əməliyyatlar, bununla bağlı fəsadlar və yan təsirlər olmadan ondan xilas olmağa imkan verəcək”, - deyə İgit fikrini yekunlaşdırıb.

Xəzər
“Cebheinfo.az”