Azərbaycanın bədii gimnastika üzrə qrup hərəkətləri komandası “Paris-2024” Yay Olimpiya Oyunlarında finala yüksəlib.

5 halqa, 3 lent və 2 top proqramları üzrə çıxışların cəminə əsasən 62,000 xal toplayan Zeynəb Hümmətova, Darya Sorokina, Ləman Əlimuradova, Güllü Ağalarzadə və Yelizaveta Luzandan ibarət kollektiv həlledici mərhələdə iştirak hüququ qazanıb.

Onlar yekun nəticəyə əsasən 14 yığma arasında 8-ci sırada qərarlaşıb.

Qeyd edək ki, final yarışları avqustun 10-da keçiriləcək.

***

13:59

Azərbaycanın bədii gimnastika üzrə qrup hərəkətləri komandası “Paris-2024” Yay Olimpiya Oyunlarında növbəti dəfə çıxış edib.

Təsnifat mərhələsində mübarizə aparan Zeynəb Hümmətova, Darya Sorokina, Ləman Əlimuradova, Güllü Ağalarzadə və Yelizaveta Luzandan ibarət kollektiv bu dəfə 3 lent və 2 topla məharətini göstərib.

Milli komanda hakimlərdən 28,150 xal alıb. Yığma daha əvvəl halqalarla hərəkətlərdə qüvvəsini sınayıb. Beləliklə, Azərbaycan seçməsi iki hərəkətin cəminə görə 62,000 xal toplayıb.

İki hərəkətin cəminə görə ən çox xal toplayan 8 kollektiv final mərhələsinə vəsiqə qazanacaq.

"Cebheinfo.az"