Rusiyada robot Rubik kubunu ən qısa müddətdə həll edərək yeni dünya rekordu qırıb.

"Cebheinfo.az" xəbər verir ki, Aleksandr Krotovun hazırladığı robot Rubik kubunu 0,203 saniyəyə həll etmək rekordunu qırıb. 

Qeyd edək ki, əvvəlki rekord Yaponiyada 0,305 saniyə ilə robot tərəfindən qeydə alınıb. 

Rusiya mətbuatında yer alan xəbərə görə, Rusiyada istehsal edilən robot kubu üç mərhələdə həll edib. 

Əvvəlcə onu 10 millisaniyə ərzində yoxladıqdan sonra kameralarla kənarların fotolarını çəkir və proqramla şəkilləri emal edib. 

O, növbəti addımlarını 8 millisaniyə ərzində planlaşdırır və minimum hərəkət sayı ilə yığma ardıcıllığını hesablayır.

Sonra o, altı mühərrikindən istifadə edərək və onların üzlərini eyni vaxtda hərəkət etdirərək kubu həll edir.

Nigar Hacılı 
"Cebheinfo.az"