Artıq payız mövsümü yaxınlaşır, hava soyuyur.

Havanın temperaturunun düşməsi qışa hazırlıq məsələsini gündəmə gətirir. 

Bəs soyuq aylarda istiliyin təminatı hansı səviyyədə olacaq? Qurum buna hazırdırmı?

"Azəristliktəchizat” ASC-dən "Cebheinfo.az"-ın sorğusuna cavab olaraq bildirilib ki, istilik təsərrüfatlarında 2024-2025-ci illər payız-qış mövsümünə hazırıq işləri intensiv olaraq davam etdirilir:

"Hazırlıq işləri çərçivəsində magistral və məhəllədaxili istilik xətlərində, qazanxanalarda təmir və bərpa edilir, hidravlik təzyiqlə yoxlanılır. Bununla bağlı olaraq, yaxın günlərdə yekun hesabat ictimaiyyətə təqdim ediləcək".

Son məlumatlara əsasən, istilik təchizatı sistemlərinin etibarlılığının təmin edilməsi istiqamətində 7318 metr məhəllədaxili və magistral istilik xətlərinin yenilənməsi işləri aparılıb.

"Həmçinin, müxtəlif diametrli 505 ədəd dirsək və 3455 metr qazan borusu dəyişdirilib. 549 ədəd odluq, 216 dəst istilik mübadilə aparatları, habelə 50 ədəd qazan aqreqatı, 20 ədəd odluq istismara hazır vəziyyətə gətirilib".

Məlumata görə, hazırlıq işlərinin 2024-cü ilin oktyabr ayına qədər başa çatdırılaraq bütün istilik təsərrüfatı avadanlıqlarının tam işlək vəziyyətə gətirilməsi qarşıya qoyulan əsas vəzifədir.

Naibə
"Cebheinfo.az"