Orta yaşdakı, eləcə də yaşlı insanlarda narahat yuxular gələcək koqnitiv geriləmə və inkişaf riskinin daha yüksək olduğunu göstərə bilər. Bu, həm də demans səbəbləridir.

Bu barədə iyunun 29-dan iyulun 2-dək Helsinkidə keçirilən EAN 2024 Avropa Nevrologiya Akademiyasının 10-cu Konqresində təqdim olunan araşdırmada göstərilib.

“Cebhe.info” bu barədə “Medical Xpress”-ə istinadən yazır.

London İmperial Kolleci MD Abidemi Otayku və həmkarları narahat edici yuxuların Parkinson xəstəliyi olmayan insanlarda koqnitiv geriləmə və demensiya ilə əlaqəli olub olmadığını araşdırdılar.

Təhlildə 13 ildən çox izlənilən 605 orta yaşlı xəstə, həmçinin yeddi ildən çox izlənilən 2600 yaşlı insan iştirak edib.

Tədqiqatçılar tədqiqatın əvvəlində narahat edici yuxular görmədiyini bildirən orta yaşlı xəstələrlə müqayisədə, həftəlik narahatedici yuxular görənlərin idrak qabiliyyətinin azalması ehtimalının dörd dəfə daha çox olduğunu və yaşlı yetkinlərdə demans inkişaf riskinin daha da artdığını aşkar ediblər.

"Gecə qorxularının, kabusun bir çox beyin xəstəlikləri və digər patologiyalarla çox güclü əlaqəsi var. Mən qəti şəkildə inanıram ki, həkimlər kabuslar haqqında daha tez-tez soruşmalıdırlar", - deyə Otayku vurğulayıb.

Xəzər
“Cebhe.info”