Xəbər verdiyimiz kimi, bir müddət əvvəl qruplar üzrə plan yerləri açıqlanıb.

Ötən gündən başlayaraq Azərbaycan Respublikasının ali təhsil müəssisələrinə tələbə qəbulu müsabiqəsində iştirak etmək üçün ixtisas seçimi başlayıb.

Belə ki, I ixtisas qrupunda 19 990 plan yeri ayrılıb. Bunun 13 315-i Azərbaycan, 785-i isə rus bölməsi üçün nəzərdə tutulub. 5 890 plan yeri isə birgə qruplara ayrılıb. I qrupda 14 407 dövlət sifarişli plan yeri ayrılıb.

II qrupda 14 550 plan yerindən 4 390-ı dövlət sifarişlidir. III ixtisas qrupunda isə 15 459 plan yeri var, onun 4 318-i dövlət sifarişlidir.

IV ixtisas qrupunda 4 600 plan yerindən 3 135-i dövlət sifarişlidir.

Maraqlıdır, qruplar üzrə ən çətin müsabiqə vəziyyəti hansı qrupda gözlənilir? 

Ali təhsil məsələləri üzrə ekspert Vüsal Kərimli "Cebheinfo.az"-a açıqlamasında bildirib ki, ən çətin müsabiqə vəziyyəti 3 və 4-cü qruplarda gözlənilir: 

"Düşünürəm ki, abituriyentləri 3 və 4-cü qruplarda daha çətin müsabiqə gözləyəcək.  Çünki bu qruplarda yüksək bal toplayanların sayı həddən artıq çoxdur.

Ona görə də ən çətin və ciddi müsabiqə vəziyyəti burada gözləniləndir. 

2-ci qrupda isə müsabiqə vəziyyətinin çətinliyi orta dərəcədə qiymətləndirilə bilər. Hər halda, 3 və 4-cü qruplardakı çətinlik bu qrupdakı qədər olmayacaq.1-ci qrupu isə hər il olduğu kimi nisbətən sakit müsabiqə şərtləri gözləyir".

Naibə
"Cebheinfo.az"