Ermənistanın Tavuş rayonunun Voskepar  (Əskipara) kəndində Surb Astvatsatsin kilsəsinə bitişik ərazidə gərgin vəziyyət yaranıb.

Polis əməkdaşları və Milli Təhlükəsizlik Xidmətinin xüsusi təyinatlıları vətəndaşların kilsəyə yaxınlaşmasına imkan vermir.

“Cebhe.info” xəbər verir ki, bu barədə Ermənistan mətbuatı məlumat yayıb. Daha əvvəl xəbər verdiyi kimi, istehkamçılar kilsənin yaxınlığındakı ərazini minalardan təmizləməyə başlayıblar. Kənd sakinlərindən biri bizə bildirdi ki, ərazi minalardan təmizlənir, çünki Ermənistanla Azərbaycan arasında razılaşma nəticəsində təhvil veriləcək.

İndi polis kordon yaradıb. Vətəndaşlardan biri Tavuşun polis rəisi Artur Mkrtçyana üz tutaraq soruşub ki, niyə onlara müdaxilə edirlər? “Sən də, mən də erməniyik, buranı təhvil verirsən? Siz sualıma cavab verə bilməzsiniz, deyirsiniz ki, sadəcə burada xidmət edirsiniz”.

Din xadimlərindən biri xüsusi təyinatlılara yaxınlaşsa da, onu içəri buraxmayıblar.

Məlumat üçün bildirək ki, bu kənd Yuxarı və Aşağı Əskipara kəndləri arasında yerləşir.

Xəzər
“Cebhe.info”