Xüsusi təyinatlılar Rostov-1-in istintaq təcridxanasının iki əməkdaşını əsir götürən cinayətkarlara hücum edib. Altı silahlı zərərsizləşdirilib.

"Cebhe.info" xəbər verir ki,  RT telekanalı adı açıqlanmayan mənbəyə istinadən bu barədə bildirib. Xəbər verilir ki, iki yaraqlı öldürülüb, dörd nəfər yaralanıb. Bununla belə,  girov götürülmədə iştirak edən bütün cinayətkarlar məhv edildiyi də deyilir.

“Baza" "Telegram” kanalı bundan əvvəl məlumat vermişdi ki, iyunun 16-da səhər saatlarında altı təqsirləndirilən şəxs əməliyyat idarəsinin rəisini və saxlanma yerinin kiçik inspektorunu girov götürərək kamerada pəncərənin barmaqlıqlarını sındıraraq növbətçi məntəqəyə daxil olub. SHOT-un məlumatına görə, məhbuslar istintaq təcridxanasının əməkdaşlarından silah götürə bilərdi və guya onlar arasında “terrorçuluq” ittihamı ilə məhkum olunmuş bir neçə nəfər də var. KİV-in məlumatına görə, cinayətkarlar atəşli silahlar və rezin dəyənəklərlə silahlanıblar. 112 xəbər verir ki, onlarda bıçaqlar olub. "Don Maş" yazır ki, məhbuslar şərt qoyublar, onlar avtomobil, silah və təcridxananı tərk etmək imkanı istəyiblər.

Bildirilib ki, məhbuslar 2023-cü ildə Qaraçay-Çərkəzdə Ali Məhkəmənin binasına terror aktının hazırlanmasında iştirak edə bilərdilər. Bu məlumat rəsmi təsdiqini tapmayıb.

Rusiya İstintaq Komitəsi hadisə ilə bağlı cinayət işi açıb. 

Xəzər 
"Cebhe.info"