Portuqaliya hökuməti müstəmləkə keçmişinə və köləliyinə görə təzminat ödəmək prosesinə başlamamaq qərarına gəlib.

Bundan əvvəl respublika prezidenti başqa ölkələr qarşısında “günahları ödəməyə” çağırıb.

“Cebhe.info” “Reuters”-ə istinadən xəbər verir ki, hökumət bəyanatında təzminatların ödənilməsi üçün konkret fəaliyyət proqramı olmadığı bildirilib. Həmçinin qeyd edilir ki, Portuqaliyanın keçmiş müstəmləkələri ilə münasibətləri “həqiqətən əladır”.

2023-cü ilin sentyabrında Qana lideri Nana Akufo-Addo Qərbdən Afrikaya qul ticarətinə görə təzminat ödəməyi tələb edib.

Portuqaliyanın müstəmləkə imperiyası müxtəlif dövrlərdə Braziliya, Anqola, Kabo-Verde, Mozambik, Şərqi Timor, habelə Hindistanın bəzi hissələrini əhatə edirdi.

Xəzər
“Cebhe.info”