Türkiyə-Suriya sərhədində toqquşma: Ölənlər var
![Türkiyə-Suriya sərhədində toqquşma: Ölənlər var](/uploads/images/2024/07/720x400/171990528620949566836683ac06394ff.jpg)
Türkiyə ordusunun əsgərləri Hələb vilayətinin şimalında yerli qaçaqmalçıların istifadə etdiyi nəzarət-buraxılış məntəqələrini bağlamasına etiraz edən suriyalı müxalif döyüşçülərin üsyanını yatırıb.
"Cebhe.info" Şam FM radiosuna istinadən xəbər verir ki, Suriyanın Afrin, Əl-Bab və Azez bölgələrində baş verən qarşıdurmalarda azı 25 dəstə üzvü öldürülüb.
Bundan əvvəl də Türkiyə hərbçiləri nəzarət-buraxılış məntəqəsinin bağlanması ilə razılaşmayan müxalif qruplar etiraz aksiyaları təşkil etdiyi Suriyanın şimalındakı “Bab əs-Salam” və “Əl-Rai” keçid məntəqələrinə hərbi dəstək göndərmişdi.
“Al Mayadeen” telekanalı ən şiddətli toqquşmaların Afrində (Hələbdən 60 km aralıda) baş verdiyini və silahlıların Türkiyənin nəzarət-buraxılış məntəqələrinə və hərbi bölgələrinə hücum etdiyini bildirib.
Nigar Hacılı
"Cebhe.info"