Portuqaliya millisinin qapıçısı Dioqu Koşta rekorda imza atıb.

"Report" "Opta"ya istinadən xəbər verir ki, qolkiper buna Almaniyada təşkil olunan Avropa çempinatının 1/8 final mərhələsinin Sloveniya ilə oyununda nail olub.

Penaltilər seriyasında ardıcıl üç zərbəni dəf edən D.Koşta bunu bacaran ilk qapıçı kimi tarixə düşüb.

O, həm də qitə çempionatları tarixində oyunsonarı seriyada penaltinin qol olmasına imkan verməyən yeganə qolkiperdir.

Qeyd edək ki, penaltilər seriyasında rəqibini 3:0 hesabı ilə üstələyən Portuqaliya millisi 1/4 finalda Fransanın rəqibi olub.

"Cebhe.info"