"Diabetes" jurnalında dərc olunan yeni araşdırmaya görə, qida və içki qablaşdırmalarının, o cümlədən plastik su şüşələrinin hazırlanmasında istifadə edilən kimyəvi maddə olan "BPA" bədənin şəkər metabolizmasını tənzimləyən "insulin hormonuna həssaslığı" azalda bilər.

"Cebhe.info" xəbər verir ki, yeni araşdırmanın nəticələri "BPA" tətbiqinin 2-ci tip diabet riskini artıra biləcəyinə dair ilk sübutdur.

Tədqiqat zamanı elm adamları təsadüfi olaraq 40 sağlam yetkin insana gündə hər kiloqram bədən çəkisi üçün təxminən 50 mikroqram "BPA" veriblər. 

"BPA"-nın bu dozası hazırda EPA tərəfindən təhlükəsiz olaraq təsnif edilən miqdardır. "BPA" ilə müalicə olunanlar 4 gündən sonra insulinə daha az cavab veriblər. 

Tədqiqatçılar bildiriblər ki, paslanmayan polad və ya şüşə butulkalardan istifadə etməklə "BPA"-ya məruz qalmanın azaldılması diabet riskini azalda bilən tədbirlərdəndir.

Plastik butulkalar rahatlığına görə dünyanın hər yerində mövcuddur, lakin artan tədqiqatlar onların kimyəvi komponentlərinin sağlamlığa təsiri ilə bağlı narahatlıqları artırır.

Ləman İsmayıl
"Cebhe.info"