Almaniyada pərakəndə satıcılar mağazalardan oğurluqla bağlı ciddi problemlə üzləşirlər. 

"Cebhe.info" xəbər verir ki, EHI Pərakəndə İnstitutunun araşdırmasına görə, oğrular keçən il pərakəndə satıcılardan 2,8 milyard avro dəyərində mal oğurlayıblar. Belə ki, ötən il Almaniyada pərakəndə satıcıların oğurluqdan dəymiş ziyanı əvvəlki ilə nisbətən 15 faiz çox olub, apteklərdə, eləcə də qida və geyim ticarətində oğurluqda artım müşahidə olunub. “Xüsusilə mütəşəkkil və kommersiya dükanlarının oğurluğu son illərdə pərakəndə satıcıların böyük itkilərə məruz qalmasına səbəb olub”, - araşdırma hesabatında deyilir. 

Alkoqollu içkilər, tütün, kosmetika, ülgüclər, enerji içkiləri, uşaq qidaları, ət, kolbasa, pendir və qəhvə supermarketlərdə oğruların xüsusilə bəyəndiyi məhsul qrupları arasındadır. Araşdırmaya görə, oğruların ən azı dörddə biri quldur qruplarında işləyərkən tutulub. EHI Pərakəndə Ticarət İnstitutunun İnventar Fərqləri və Təhlükəsizlik Araşdırmaları Departamentinin rəhbəri Frank Horst məsələni dəyərləndirərkən deyib: 

“Bir çox məhsullarda qiymət artımı səbəbindən bəzi insanlar maliyyə çətinliyi ilə üzləşib və tez-tez mağazalardan oğurluq ediblər”. 

Bu arada, polis qeydlərinə görə, mağazadan oğurluq hadisələrinin sayı keçən il əvvəlki ilə nisbətən yüzdə 23,6 artaraq 426 min 96 hadisəyə çatıb. 

Nigar Hacılı 
"Cebhe.info"