Fransada “Respublika naminə” prezident koalisiyasından və “Yeni Xalq Cəbhəsi” sol blokundan deputatlığa namizədlər sağçı “Milli Mitinq” partiyasının səs çoxluğu əldə etməməsi üçün namizədliklərini geri götürüblər.

“Cebhe.info” xəbər verir ki, bunu “Monde” yazır.

300-dən çox seçki dairəsində səsvermənin birinci günündən sonra sağ, sol və makronistlərin üç əsas blokunun namizədləri ikinci tura keçiblər. Prezident Emmanuel Makronun sözlərinə görə, parlament seçkilərinin birinci turunda öz dairələrində üçüncü yerdə olan koalisiya və sol blokdan olan namizədlər sağa mane olmaq üçün ikinci turda iştirakdan imtina etməlidirlər. Onların səslərinin ikinci yeri tutan namizədə çatacağı gözlənilir.

“Nəşrin hesablamalarına görə, 185 namizəd seçkilərdə iştirakdan imtina edib, 126 “üçbucaq” hələ də mümkündür”, - deyə qəzet qeyd edir. Solçuların 121, prezident koalisiyasından 60 və digər partiyaların bir neçə namizədi ikinci turda iştirakdan imtina edib.

Partiyalar ikinci tur üçün namizədlərin yekun siyahılarını çərşənbə axşamı saat 18.00-a qədər təqdim etməlidirlər.

Xəzər
“Cebhe.info”