Rusiya-Ukrayna münaqişəsinin sonu yaxınlaşır. 

“Cebhe.info” xəbər verir ki, bu barədə “Politico” qəzeti yazır. Nəşr  döyüş meydanında vəziyyətin ilk növbədə Ukrayna ordusu üçün pisləşdiyini irəli sürür:

“Bu vəziyyətdə Rusiyanın qələbəsi çoxlarının təxmin etdiyindən tez gələ bilər. Bu, ABŞ Prezidenti Co Baydenin səlahiyyət müddəti bitmədən baş verə bilər”.

Nəşrin yazdığına görə, eyni zamanda, hətta NATO-nun Rusiya Federasiyasını cilovlamaq cəhdləri də Ukrayna Silahlı Qüvvələrinə kömək etməyəcək:

“Avropa yavaş-yavaş silah və sursat istehsalını artırır və gələcək xərclərə dair vədlər real müqavilələrlə eyni deyil. Avropa silahlanmadan NATO özünü uğursuzluğa məhkum edir”.

Bundan əvvəl Ukraynanın Baş Kəşfiyyat İdarəsi bəyan etmişdi ki, Ukrayna Silahlı Qüvvələri bir aydan sonra çətin vəziyyətlə üzləşəcək. Departament qeyd edib ki, Rusiya ordusu Donbasda böyük hücuma başladıqda cəbhədə çətinliklər yaranacaq. Bir gün əvvəl Ukrayna Silahlı Qüvvələrinin baş komandanı Aleksandr Sırski qeyd edib ki, Rusiyanın hücum əməliyyatları nəticəsində döyüş meydanında vəziyyət pisləşib. ABŞ Ukraynanın bu ilin sonuna kimi məğlub ola biləcəyini proqnozlaşdırmışdı.

Xəzər
“Cebhe.info”