İtaliyada tamamilə süni intellekt tərəfindən yazılmış növbəti qəzet nəşr olunub.

"Cebheinfo.az" xəbər verir ki, “Il Foglio IA” adlanan buraxılış “Il Foglio” gündəlik qəzeti tərəfindən hazırlanıb.

“Il Foglio” gündəlik qəzetin baş redaktoru Klaudio Ceraza süni intellektin mükəmməl kitab rəyləri yazdığını və ironiyanı yaxşı ifadə edə biləcəyini desə də, keyfiyyətli jurnalistikanın yerini tuta bilməyəcəyini söyləyib.

“Bir ay ərzində bu İtalyan nəşrində süni intellektlə yazılmış gündəlik dörd səhifəlik əlavə yazı nəşr edilib və bu əlavələr qəzetlə birlikdə satılıb”, - deyə baş redaktor əlavə edib.

Klaudio Ceraza bu təcrübənin uğurlu olduğunu və qəzetin satışlarını artırdığını vurğulayıb:

“İndi isə "Il Foglio" hər həftə bir dəfə süni intellektlə yazılmış buraxılışı “Il Foglio IA” adla nəşr etməyi planlaşdırır”.

Baş redaktor bildirib ki, qəzet öz sahəsində mütəxəssis olmayan mövzularda, məsələn, astronomiya haqqında məqalələri süni intellektlə yazacaq:

“Amma o, süni intellektin qəzetin işçi sayını azaltmayacağına inanır”.

Klaudio Ceraza süni intellektin jurnalistlərin yerini alması fikrini səhv və zərərli hesab edir:

"Bəzi nəşriyyatçılar süni intellekti jurnalistlərin sayını azaltmaq üçün bir vasitə kimi görürlər. Amma bu, özlərinə zərər verər. Əsas odur ki, süni intellekt bizə daha çox iş görmək imkanı verir”.

Qəzetin baş redaktoru süni intellektin doğru suallar verə bilən və texnologiyadan maksimum istifadə edən insanlara yeni iş imkanları yaradacağını və yüksək keyfiyyətli jurnalistikanın inkişafını təmin edəcəyini qeyd edib.

O, jurnalistlərin daha dərin araşdırmalar aparmalı və daha yaradıcı olmalı olduqlarını vurğulayıb.

Klaudio Ceraza süni intellektlə gündəlik olaraq işlədiyini və onun nəticələrindən tez-tez təəccübləndiyini bildirib.

O, süni intellektin "ironiyanı həqiqətən dəqiq və doğru" şəkildə ifadə etdiyini qeyd edib:

"Süni intellektə hər hansı bir mövzuda ironik məqalə yazmasını istəsəniz, necə edəcəyini bilir". 

Bundan əlavə, o, süni intellektin 700 səhifəlik kitabları sürətlə təhlil edib və məzmunlu tənqidlər hazırladığını, amma tənqidi düşüncənin çatışmadığını, çünki jurnalistin "yox" deyərək mübahisə etməsi kimi bir müzakirə aparmadığını qeyd edib. 

Səbinə Uğur
"Cebheinfo.az"