Müğənni Dilarə Kazımova yeni fotosessiyasını izləyiciləri ilə bölüşüb. 

"Cebheinfo.az" xəbər verir ki, sənətçi bu dəfə xalçaya bürünərək şəkillər çəkdirib. 

Fotolarını izləyiciləri ilə bölüşən Dilarə "Milli xalçalara olan sevgimiz qanımızdan keçir. Bu təkcə daxili əşya deyil, tarixdir, ənənələrdir və hər evdə istilikdir. Təsəvvür edin ki, ustalar nəsillərə toxuculuq sirlərini necə ötürür, evlərimizi bəzəyən şah əsərlər yaradırlar. Mən Məşədi Hilal Kazımovun nəticəsi və Bakıxanovların nəslindən bir nümayəndə olaraq öz köklərimə həmişə dəyər vermişəm. Əcdadlarımız bizə həm yaradıcılıqda, həm Vətən sevgisində, həm də milli kimliyində çox böyük irs qoyublar" sözlərini yazıb. 

"Cebheinfo.az"