Rusiyanın Rostov vilayətinin Azov şəhərində anbarda güclü yanğın baş verib.

Oxu.Az-ın Rusiya KİV-ə istinadən xəbərinə görə, bu barədə Rusiya Fövqəladə Hallar Nazirliyindən məlumat verilib.

Məlumata görə, sahəsi 2 000 kvadratmetr olan anbar yanır. Hadisə yerində 37 xilasedici və 13 texnika çalışır.

Yanan anbarda polimer məhsulları saxlanıldığı bildirilir. Yanğının səbəbi barədə rəsmi məlumat verilmir.

Qeyd edək ki, iyunun 7-də səhər saatlarında yerli "Rostov News" "Telegram" kanalı Fövqəladə Hallar Nazirliyinin rəsmi mesajına istinadən bölgədəki raket təhlükəsindən yazıb, daha sonra təhlükənin olmadığı qeyd edilib.

https://t.me/oxuaze/139157?single

"Cebheinfo.az"