Fransa nüvə başlığı daşıya bilən raketin ilk sınaq buraxılışını həyata keçirib.

“Cebhe.info” xəbər verir ki, bunu ölkənin müdafiə naziri Sebastyen Lekornyu “Network X” telekanalına bildirib.

Lecornyu bildirib ki, ASMPA-R raketi nüvə hava hücumunu simulyasiya edən uçuşun sonunda milli ərazi üzərində təlim zamanı Rafale qırıcı təyyarəsindən döyüş başlığı olmadan buraxılıb.

Nazir deyib ki, təlim çoxdan planlaşdırılıb. Bu, Rusiyanın Ukrayna ilə həmsərhəd olan və Moskva tərəfindən ilhaq edilmiş ərazilərinin bir hissəsini əhatə edən Cənub Hərbi Dairəsində taktiki nüvə silahları ilə təlimlərə başlayacağını elan etməsindən bir gün sonra baş verib.

Fransa həm hava, həm də sualtı nüvə qüvvələrinə malikdir. Lecornu qeyd edib ki, təlimin məqsədi nüvə qarşısının alınmasının aviasiya komponentinin imkanlarını nümayiş etdirməkdir.

AFP yazır ki, yaxın illərdə Fransa hərbi büdcəsinin 13%-ni nüvə qüvvələrinə, o cümlədən havadan buraxılan aviadaşıyıcıların modernləşdirilməsinə xərcləməyi planlaşdırır.

Ukraynaya tammiqyaslı işğalı başlayandan bəri Rusiya dəfələrlə nüvə silahı ilə hədələyib. Fransa prezidenti Emmanuel Makron dəfələrlə deyib ki, prinsipcə Putinin qələbəsinin qarşısını almaq üçün heç bir vasitə, hətta Qərb ölkələrindən Ukraynaya qoşun yeritmək də istisna oluna bilməz.

Xəzər
“Cebhe.info”