Hər il xüsusilə əlamətdar günlərdə ölkə Prezidenti tərəfindən əfv sərəncamı imzalanır.

Qarşıdakı bayram günlərində də növbəti əfv sərəncamının imzalanacağı bildirilir.

Qeyd edək ki, Azərbaycan Respublikasının Prezidenti yanında Əfv Məsələləri Komissiyasının üzvü, millət vəkili Fazil Mustafa qarşıdakı dövrdə amnistiya deyil, əfv olacağını bildirmişdi. 

Əfv Məsələləri Komissiyasının artıq bir neçə iclası keçirilib və bu müddətdə həbsdə olan məşhurlardan müraciət daxil olubmu? 

Məsələ ilə bağlı Azərbaycan Respublikasının Prezidenti yanında Əfv Məsələləri Komissiyasının üzvü Rəşad Məcid “Cebhe.info”-ya bildirib ki, Komissiyanın iclarları hələ davam edir:

“Əfv Komissiyasına müraciət fərdidir. Kim fərdi qaydada müraciət edirsə, onun  işlərinə baxılır. Hələ ki, baxılan işlər sırasında məşhurlarla bağlı işə rast gəlməmişik”.

Qeyd edək ki, 28 May - Müstəqillik Günündə Prezident İlham Əliyev tərəfindən əfv sərəncamının imzalanacağı gözlənilir.

Nigar
“Cebhe.info”