Tramp administrasiyası İsrailə ABŞ istehsalı olan 20 mindən çox avtomat silah göndərmək qərarına gəlib.

“Cebheinfo.az” xəbər verir ki, bu barədə “Reuters” məlumat yayıb.ABŞ Prezidenti İsrailə hərbi yardımını davam etdirir. Tramp administrasiyası ABŞ istehsalı olan 20 mindən çox avtomatın İsrailə göndərilməsinə icazə verib.

ABŞ Dövlət Departamenti martın 6-da Konqresə 24 milyon dollarlıq silah tədarükü ilə bağlı rəsmi bildiriş göndərib.

Qeyd edilir ki, həmin silahların son istifadəçisi İsrail Milli Polisi olacaq.Konqresə təqdim edilən sənəddə ABŞ hökumətinin bu qərardan əvvəl siyasi, hərbi, iqtisadi, insan haqları və silahlara nəzarət amillərini dəyərləndirdiyi vurğulanıb. 

Lakin ABŞ Dövlət Departamenti İsraildən silahların istifadəsi ilə bağlı hər hansı təminat istəyib-istəmədiyi barədə şərh verməyib.Trampın qəbul etdiyi bu qərar keçmiş prezident Co Baydenin siyasəti ilə müqayisədə böyük dəyişiklik hesab olunur.

Bayden administrasiyası silahların İordan çayının qərb sahilindəki qruplaşmaların əlinə keçə biləcəyindən narahat olaraq İsrailə silah satışını dayandırmışdı.

Lakin Tramp vəzifəyə gəldikdən sonra Baydenin İordan çayının qərb sahilində məslunlaşan ifrat sağçı yəhudilərə qarşı tətbiq etdiyi sanksiyaları ləğv edərək bölgədəki təhlükəsizlik siyasətini yenidən formalaşdırıb.Bu inkişaf İsrailə hərbi dəstəyin sürətlənəcəyinə mühüm işarə hesab edilir.

Müşfiq Abdulla
“Cebheinfo.az”