Dünyanın dördüncü ən varlı adamı olan Uorren Baffet 165 milyard dollarlıq sərvətinə baxmayaraq, 67 il əvvəl cəmi 31 500 dollara aldığı təvazökar evdə yaşamağa davam edir. 

"Cebheinfo.az" xəbər verir ki, "Berkshire Hathaway" şirkətinin baş direktoru Uorren Baffet, digər milyarderlərdən fərqli olaraq dəbdəbəli yaşamaqdan çəkinir.

94 yaşlı investor Nebraska ştatının Omaha şəhərində 1921-ci ildə tikilmiş 610 kvadratmetrlik fərdi evində yaşayır. Bu gün təxminən 1,3 milyon dollar dəyərində olan ev Baffetin 165 milyard dollar sərvəti ilə müqayisədə sadədir.

Üç uşağını bu evdə böyütdüyünü və bununla bağlı çoxlu xatirələr yaşadığını söyləyən Buffet heç nəyi bu evlə dəyişməyəcəyini bildirib.

“Pul xoşbəxtliyi satın ala bilməz” deyən Baffet, onu xəsis kimi qələmə verən birinə “Bəli, mən xəsisəm” cavabını verib.

Nigar
"Cebheinfo.az"