Qisas üçün həmkəndlisinin canını aldı
![Qisas üçün həmkəndlisinin canını aldı](/uploads/images/2024/06/720x400/17183459612089597533666be0e9b4f23.jpeg)
Ordubad sakini həmkəndlisini qətlə yetirib.
"Cebhe.info" xəbər verir ki, bu barədə Ordubad Rayon Prokurorluğu məlumat yayıb.
Bildirilib ki, iyunun 13-də Ordubad rayonunun Unus kənd sakininin bıçaq zərbəsi alaraq ölməsi barədə rayon prokurorluğuna məlumat daxil olub.
Araşdırmalarla 1976-cı il təvəllüdlü Bəxtiyar Sərdar oğlu Rəsulovun qisas motivi ilə həmkəndlisi 1974-cü il təvəllüdlü İbrahim Əsədullah oğlu Tağıyevə bıçaq xəsarəti yetirərək qəsdən öldürməsinə əsaslı şübhələr müəyyən edilib.
Bəxtiyar Sərdar oğlu Rəsulov şübhəli şəxs qismində tutulub.
Ordubad Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanaraq ibtidai istintaq aparılır.
"Cebhe.info"