Namibiyanın Katima Mulilo qəsəbəsində  istifadə olunmayan dondurucuda 3-6 yaş arası uşaqların cəsədləri tapılıb.

"Cebheinfo.az" xəbər verir ki, Namibiya polisi Zambezi bölgəsinin şimal-şərqində boş, köhnə dondurucuda oynayan dörd uşağın ölümünü araşdırır.

Polis uşaqların oyun oynayarkən təsadüfən sıxışıb içəridə boğulduğunu düşünür, lakin araşdırma davam edir.

Dörd uşaqdan ikisinin dondurucuda boğularaq , digər ikisinin isə xəstəxanada müalicə olunarkən öldüyü bildirilir.

Zambezi regional polis komandiri Andreas Şilelo "Dondurucuda ancaq çöldən açıla bilən qarmaq var idi. Onlar təxminən saat yarım qapalı qaldılar və boğulublar",- deyib.

Nigar Hacılı 
"Cebheinfo.az"