Rəsmi Pentaqon "Carl Vinson" təyyarədaşıyan gəmisinin başçılıq etdiyi aviadaşıyıcı zərbə qrupunu ABŞ Mərkəzi Komandanlığının məsuliyyət zonasına göndərir.

Oxu.Az xarici KİV-ə istinadən xəbər verir ki, bu barədə ABŞ Müdafiə Nazirliyinin rəsmi nümayəndəsi Şon Parnel məlumat verib.

O vurğulayıb ki, müdafiə nazirinin göstərişi ilə "USS Harry Truman" aviadaşıyıcısının başçılıq etdiyi aviadaşıyıcı zərbə qrupu regionda qalacaq, Hind-Sakit okean regionunda təlimlər başa çatdıqdan sonra isə "Carl Vinson" aviadaşıyıcı gəmisi də ora istiqamət götürəcək.

Ş.Parnell qeyd edib ki, Vaşinqton və onun müttəfiqləri dövlətlərin və ya qeyri-dövlət qurumlarının vəziyyətin sabitliyini pozmaq üçün etdikləri istənilən cəhdlərinə cavab verməyə hazırdır.

Qeyd edək ki, ABŞ Mərkəzi Komandanlığı ABŞ Silahlı Qüvvələrinin daxilində Yaxın Şərq, Şərqi Afrika və Mərkəzi Asiya regionlarında hərbi əməliyyatlar zamanı əməliyyatların planlaşdırılmasına məsul olan vahid komandanlıqdır.

Məlumat üçün əlavə edək ki, aprelin 2-də Yəmənin "Ənsar Allah" hərəkatının silahlıları Qırmızı dənizdə ABŞ-nin "USS Harry Truman" təyyarədaşıyan gəmisinin rəhbərlik etdiyi hərbi gəmilərə üç dəfə hücum ediblər. Əməliyyatda bir neçə qanadlı raketdən və dronlardan istifadə edilib.

"Cebheinfo.az"