Şimali Makedoniyanın paytaxtı Skopye yaxınlığındakı Studenikani bələdiyyəsinin Batıncı kəndində sel nəticəsində onlarla evə ziyan dəyib.

"Cebheinfo.az" xəbər verir ki, ötən gecə yağan güclü yağışdan sonra Markova çayı daşaraq Batıncı kəndində onlarla evi su basıb, yolları zədələyib.
Kənddə jurnalistlərə açıqlama verən Studenicani bələdiyyə başçısı Azem Sadiki dünən gecə artan yağışdan sonra baş verən seldə can itkisinin olmadığını bildirib:

"Dünən gecə burada vəziyyət çox ciddi idi. Çayın daşması nəticəsində kənddə onlarla evi su basdı, amma bəxtimiz gətirdi ki, bundan böyük ziyan olmadı".

Sadiki bələdiyyə qruplarının özəl şirkətlərin dəstəyi ilə çayın daha da daşmasının qarşısını almaq üçün dərhal lazımi işlərə başladığını və çayda suyun səviyyəsinin azaldığını qeyd edib.

Sel nəticəsində kənddəki körpünün cüzi ziyan gördüyünü vurğulayan Sadıki körpünün yenidən istifadəyə verildiyini bildirib. Qeyd olunub ki, Batıncı ilə yanaşı bölgənin Ljuboş, Pintija, Qorno Lisiçe və Dolno Lisiçe kəndlərində də daşqınlar baş verib.

Nigar Hacılı 
"Cebheinfo.az"