İndoneziyanın sıx bitkilərlə örtülmüş Cənubi Sulavesi bölgəsində insanı heyrətləndirən hadisə baş verib. 

"Cebheinfo.az" xəbər verir ki, itkin düşən yaşlı qadın təxminən 8 metr uzunluğundakı ilanın qarnından çıxıb. Kənd sakinlərinin diqqətini ilanın qarnındakı şişlik və hərəkətlər çəkib. İlanı kəsəndə qarnından qadının cəsədi çıxıb. 66 yaşlı qadın rezin plantasiyasında işlədikdən sonra evə qayıdarkən ilan hücumuna məruz qalıb. İlk təsbitlərə görə, ilan hündür otların arasından tullanaraq qadının ayağını sıxıb. Yaşlı qadın qurtulmaq istəsə də, ilandan xilas ola bilməyib və diri-diri əzilərək udulub. Oğlu Nurdin bildirib ki, anası axşam saatlarında evə qayıtmayanda onu axtarmağa çıxıb və saat 21:00 radələrində nəhəng ilanla qarşılaşıblar. 

O, ilanı tapdıqda böyük qorxu içində olduqlarını və qarnındakı şişkinliyin anasına aid olduğunu düşündüklərini bildirib. Haqlı olduqlarını bildirən Nurdin analarını belə acı sonluqla itirməyi qəbul edə bilməyəcəklərini də bildirib. "İlan ölmüş ola bilər, amma bu, anamı qaytarmır. İndi onun rahat olması üçün dua edirik", - Nurdin əlavə edib. Ərazidə çoxlu ilanların yaşadığını bildirən polis insanların onların şikarına çevrildiyini də sözlərinə əlavə edib. Onlara bu barədə ehtiyatlı olmaları barədə xəbərdarlıq edib. 

Nigar Hacılı 
"Cebheinfo.az"