Türkiyənin Milliyətçi Hərəkat Partiyasının (MHP) sədri Dövlət Baxçalı 2 aydan sonra ilk dəfə görüntülənib.

“Cebheinfo.az” xəbər verir ki, o, MHP-nin ilk sədri Alparslan Türkeşin vəfatının 28-ci ildönümündə məzarını ziyarət edib.

Baxçalı dua etdikdən sonra jurnalistlərə “Bozqurd” salamı verib. 77 yaşlı siyasətçi heç bir açıqlama vermədən qəbiristanlıqdan ayrılıb.

O, daha sonra MHP qərargahına gedib. Baxçalını partiyanın qərargahı qarşısında çox sayda insan qarşılayıb.

Qeyd edək ki, Dövlət Baxçalı ürəyindən əməliyyat olunub.

O, əməliyyatdan sonrakı 2 aylıq müddət ərzində kameralar qarşısına keçməyib.

Elmir Mustafa
“Cebheinfo.az”