İlon Maskın atası: “Mən və oğlum Putinə heyranıq”

“Tesla” və “SpaceX”-in baş direktoru, amerikalı milyarder İlon Maskın atası Errol Mask Rusiya Prezidenti Vladimir Putinə heyran olduğunu bildirib.
“Cebheinfo.az” xəbər verir ki, Errol Mask bu barədə BBC-nin rus xidmətinə danışıb.Errol Mask, özünün və ailəsinin Rusiya Prezidenti Vladimir Putinə heyran olduğunu bildirib. İlon Maskın atası Putinin güclü lider olduğunu bildirib:
"Ailə olaraq, cənab Putinə mütləq bir qədər heyranıq. Bunu etməmək axmaqlıq olardı. Çünki o, həmişə sakitdir. Mən onun çıxışlarına qulaq asıram, məntiqli şeylər deyir. Bizə deyirlər ki, ona güvənməyin, amma mənim fikrimcə, o, güclü liderdir. Ukraynada müharibəni əslində kimin başlatdığı zamanla bəlli olacaq".
Qeyd edək ki, Donald Trampın ikinci dəfə ABŞ Prezidenti seçilməsindən sonra hökumətə daxil olan İlon Mask Hökumətin Səmərəliliyi Departamentinin (DOGE) direktoru vəzifəsində çalışmağa başlayıb.
Əfsanə Rəcəb
“Cebheinfo.az”