Qadınlar, Cənubi Kipr Rum Administrasiyasına bağlı olan Rum Milli Qvardiya Ordusuna könüllü olaraq qeydiyyatdan keçməklə cəlb olunacaqlar.

"Cebheinfo.az" xəbər verir ki, Cənubi Kipr Rum Administrasiyasının (GCASC) lideri Nikos Kristodoulides, qadınların Kipr Rum Milli Qvardiyasında (RMMO) könüllü xidmət etməsinə icazə verən qanun layihəsinin Nümayəndələr Palatasında qəbul edildiyini və qanuna çevrildiyini açıqlayıb.

Sosial media hesablarından verdiyi açıqlamada bu inkişafdan məmnunluğunu ifadə edən Kristodoulides, yay aylarından etibarən qadınların orduya cəlb olunmağa başlayacağını bildirib.Yeni qanuna əsasən, qadınlar RMMO-ya könüllü olaraq qoşula və ilkin olaraq 6 aydan 14 aya qədər könüllü xidmət göstərə biləcəklər. Qanun həmçinin, RMMO-dan qadınlar üçün ümummilli çağırış keçirməsini tələb edir.

Son iki ildə gündəmdə olan qadınların könüllü olaraq orduya getməsi məsələsi bəzi qruplar tərəfindən tənqid olunub. Hökumət əleyhinə olan qəzetlər bu addımın qadınlar üçün məcburi hərbi xidmətə hazırlıq kimi qiymətləndirildiyini iddia edirlər.Əhalisinin təxminən 1 milyon olduğu Cənubi Kiprdə RMMO daxilində təxminən 30 min əsgər var. Kişilər orta məktəbi bitirdikdən sonra 14 aylıq icbari hərbi xidməti başa vururlar.

Nigar Hacılı 
"Cebheinfo.az"