Demokrat Şri Tanedar həmkarlarının təzyiqi səbəbindən Konqresdə Trampın impiçmenti üçün səsverməni təxirə salıb. 

“Cebheinfo.az” xəbər verir ki, bunu “Politico” yazır.

Çərşənbə günü Miçiqandan olan konqresmeni Şri Tanedar əvvəllər bəyan edilmiş niyyətlərinə baxmayaraq, Prezident Donald Trampın impiçmentini Nümayəndələr Palatasında səsverməyə çıxarmamaq qərarına gəlib.

Şri Tanedar gözlənildiyi kimi axşam iclasında öz qətnaməsini səsverməyə çıxarmayıb və onun baxılması üçün ayrılmış vaxt artıq keçib. "Bir çox həmkarımla danışdıqdan sonra bu gün impiçment səsverməsinə getməmək qərarına gəldim. Bunun əvəzində impiçment mətnini tamamlayacağam və Konstitusiyanın müdafiəsində mənə qoşulmaq üçün həm demokratlardan, həm də respublikaçılardan dəstək istəməyə davam edəcəyəm", - konqresmen bildirib.

Bir çox demokrat Trampın impiçment edilə bilməyən cinayətlər törətdiyinə inanırlar və onların bir çoxu iki dəfə impiçmentə səs verib. Lakin Şri Tanedar buhəftəki təklifi Konqresdə kritik məqamda diqqəti yayındırmaq cəhdi kimi qiymətləndirilib.

Günün əvvəlində Şri Tanedar Nümayəndələr Palatasında Nyu-Yorkdan Aleksandria Okasio-Kortez, Texasdan Qreq Kasar, Bred Şnayder və Merilend ştatından Ceymi Raskin də daxil olmaqla, şəxsi söhbətlər aparıb. Vəziyyətlə tanış olan mənbənin sözlərinə görə, Şri Tanedar bu həftə vergi meqalayihəsinə diqqət yetirməyin vacibliyini vurğulayıb. 

Xəzər
“Cebheinfo.az”