Qəzzaya humanitar yardım aparan "Qəzza Donanması" cümə günü səhər saatlarında Malta sahillərində beynəlxalq sularda dronların hədəfinə çevrilib. 

"Cebheinfo.az" xəbər verir ki, hücum beynəlxalq yardım təşkilatı Azadlıq Donanması Koalisiyası tərəfindən elan edilib. Təşkilat gəminin yanan görüntülərini yayıb, lakin hücumu kimin həyata keçirməsi barədə məlumat verməyib. Təşkilat sosial media hesabından verdiyi açıqlamada "Dron hücumu gəminin generatorunu hədəf alıb. 

Gəmidə 30 beynəlxalq insan haqları fəalı var. Batma riski var",- deyib. Bildirilib ki, hücumdan sonra gəmidən 17 dəniz mili və ya 31,5 kilometr şərqdə, Malta sahillərində təcili yardım çağırışı edilib. Yardım çağırışına cavab vermək üçün Kipr Rum Administrasiyası tərəfindən gəmi göndərildiyi bildirilib. Malta hökuməti cümə günü təyyarədə olanların hamısının təhlükəsiz olduğunu açıqladı. 

"Gəmidə 12 ekipaj üzvü və 4 mülki sərnişin olub. Tələfat yoxdur", - məlumatda deyilir. Yaxınlıqdakı yedək gəmisinin hücuma məruz qalan gəmiyə istiqamətləndirildiyi, saat 01.28-də yanğının nəzarət altına alındığı, Malta Silahlı Qüvvələrinə məxsus patrul gəmisinin də hadisə yerinə göndərildiyi bildirilib. 

Malta hökuməti bildirib ki, saat 02:13-ə olan məlumata görə, gəmidəki bütün insanların vəziyyətinin yaxşı olduğu təsdiqlənib, lakin heç kim yedək gəmisinə minməyə razı olmayıb. Gəminin hələ də ərazi sularından kənarda olduğu və səlahiyyətli orqanlar tərəfindən izlənildiyi qeyd edilib. 

Nigar Hacılı 
"Cebheinfo.az"