Livan ərazisindən İsrailin Şaron bölgəsindəki yaşayış məntəqələrinə raketlərin atılması nəticəsində çox sayda insan yaralanıb.

"Cebheinfo.az" xəbər verir ki, İsrail fövqəladə hallar xidmətinin Red Star of David tərəfindən verilən açıqlamaya görə, hücum nəticəsində 19 nəfər yaralanıb.

İsrail ordusunun radiosundan verilən açıqlamada 3 atışla Livandan Şaron bölgəsinə çoxlu raket göndərildiyi bildirilib. 

Raketlər bloklanıb, onlardan biri evin üzərinə düşüb.

Daha sonra İsrail ordusundan verilən açıqlamada Livandan Hayfa körfəzi və Qalileyə 10 raketin atıldığı bildirilib.

Açıqlamada “bu raketlərin bəzilərinin dayandırıldığı, bəzilərinin isə açıq ərazilərə düşdüyü” qeyd edilib.

Nigar Hacılı
"Cebheinfo.az"