Rusiyada məktəblərdə telefondan istifadə qadağan edilir. 

“Cebhe.info” xəbər verir ki, Dövlət Duması qanun layihəsinə məktəblərdə telefondan istifadəni qadağan edən düzəlişləri nəzərdən keçirir. “İzvestiya” qəzetinin məlumatına görə, qanun yanvar ayından etibarən qüvvəyə minə bilər.

Hökumət sənədi dəstəklədiyini açıqlayıb. Lakin layihə Dövlət Dumasında hər üç oxunuşdan keçməlidir və buna zaman lazımdır.

Qanun telefonun məktəblərdə yalnız fövqəladə hallarda istifadəsini nəzərdə tutur. Bir gün əvvəl “Vedomosti” qəzeti yazıb ki, əvvəllər dərslərdə telefonları qadağan edən qanun layihəsində uşaqlara ondan təhsil və ya təhsil məqsədləri üçün istifadə etməyə icazə verən istisna da var idi. Lakin parlamentarilər bu istisnanı da layihədən çıxarmaq  qərarına gəliblər.

Mətndə isə məktəblilərin özləri ilə gətirdiyi telefonların harada saxlanması barədə məlumat yoxdur. Məktəblərin bu məsələni şagirdlərin valideynləri ilə müzakirə edəcəyi gözlənilir.

Xəzər
“Cebhe.info”