Qırğızıstan Prezidenti Sadır Japarov ABŞ-yə müraciət edib.

O, ABŞ dövlət katibi Antoni Blinkenə respublikanın daxili işlərinə qarışmamaq xahişi ilə məktub yazıb. 

“Cebhe.info” xəbər verir ki, sənədin bir nüsxəsi Japarovun sosial şəbəkə hesabında yayımlanıb. 

Mətndə o qeyd edib ki, Bişkek bərabər əməkdaşlığa tərəfdardır və bütün ölkələr və beynəlxalq tərəfdaşlarla, o cümlədən ABŞ ilə birgə işləməyə hazırdır.

“Mənim yeganə xahişim ölkəmizin daxili işlərinə qarışmamaqdır”, - deyə Prezident qeyd edib.

O, həmçinin əlavə edib ki, Blinken Qırğızıstanda insan hüquq və azadlıqlarının vəziyyəti ilə bağlı qərəzli danışıb. 

Onun sözlərinə görə, qeyri-hökumət/qeyri-kommersiya təşkilatlarının böyük əksəriyyəti Qırğızıstanda ləyaqətlə və vicdanla işləyir:

“Xarici dövlətlər tərəfindən maliyyələşdirilən bu strukturların yalnız kiçik bir qrupu qrant verənlər üçün etibarsız məlumat mənbəyidir”. 

“Ümumiyyətlə, Qırğızıstanda insan hüquq və azadlıqları Konstitusiya və qanunlarla qorunur”, - deyə respublika Prezidenti əlavə edib.

O, Blinkeni Qırğızıstana səfər etməyə və öz gözü ilə görməyə dəvət edib.

Xəzər
“Cebhe.info”