Rusiya Prezidenti Vladimir Putin Fələstin-İsrail münaqişəsinin gərginləşməsi ilə bağlı BRİKS-in fövqəladə onlayn sammitində iştirak edəcək.

Cebhe.info BRİKS-ə sədrlik edən Cənubi Afrika prezidentinin mətbuat xidmətinə istinadən xəbər verir ki, görüşdə xüsusilə Qəzza zolağındakı vəziyyət müzakirə olunacaq. 

İclasa Braziliya, Rusiya, Hindistan, Çin və Cənubi Afrikadan başqa, ittifaqın yeni üzvləri Səudiyyə Ərəbistanı, Argentina, Misir, Efiopiya, İran və Birləşmiş Ərəb Əmirlikləri də dəvət olunub.

Birləşmiş Millətlər Təşkilatının Baş katibi Antonio Quterreşin də qatılacağı toplantıda birgə bəyanatın veriləcəyi gözlənilir.

İranın rəsmi xəbər agentliyi İRNA-nın məlumatına görə, fövqəladə sammit, İran Prezidenti İbrahim Rəisinin təşəbbüsü ilə keçirilir.

Nigar Hacılı 
Cebhe.info