Ukraynalı pilotların ilk qrupu bu həftə Rumıniyanın regional mərkəzində “F-16” döyüş təyyarələrinin təliminə başlayıb.

"Cebheinfo.az" xəbər verir ki, Rusiyanın 2022-ci ildə Ukraynaya təcavüzündən sonra hərbi hava qüvvələrini gücləndirmək istəyən Kiyev Qərbdən qabaqcıl hərbi təyyarələr bağışlamağı xahiş edib və pilotlarını NATO ölkələrinə, o cümlədən Fransaya təlimlərə göndərib.

Rumıniya 2023-cü ilin noyabrında Fetesti aviabazasında F-16 təlim mərkəzi açıb və orada ukraynalılara da təlim keçəcəyini vəd edib.

Rumıniya Müdafiə Nazirliyinin sözçüsü Konstantin Spinu AFP-yə bildirib ki, ilk dörd ukraynalı pilot bu həftənin əvvəlində gəlib və "nəzəri hazırlığa" başlayıblar.

Spinu bildirdi ki, praktiki təlimlər “ilin sonuna doğru” başlaya bilər.

Ləman İsmayıl
"Cebheinfo.az"